ადამიანური რესუსრების მართვის სამსახურის ფუნქციებია:

1.    უნივერსიტეტის პერსონალის მართვის სტრატეგიისა და ერთიანი საკადრო პოლიტიკის შემუშავება და განხორციელება;
2.    უნივერსიტეტის პერსონალის მართვის ინსტიტუციური და ორგანიზაციული საფუძვლებისა და მექანიზმების შემუშავება;
3.    შრომის ორგანიზაციისა და ადამიანური  რესურსების მართვის თანამედროვე მეთოდების დანერგვის ხელშეწყობა და კოორდინირება;
4.    უნივერსიტეტის პერსონალის მონაცემთა ბაზის შექმნა;
5.    უნივერსიტეტის პერსონალის სტაბილურობის, მოძრაობისა და დენადობის სისტემური ანალიზი, ძირითადი მიზეზებისა და ტენდენციების განსაზღვრა და უნივერსიტეტის ადმინისტრაციისთვის  შესაბამისი ანალიტიკური მასალისა და რეკომენდაციების  მიწოდება;
6.    უნივერსიტეტის პერსონალის მართვის სისტემის გამჭვირვალობის უზრუნველყოფა; პერსონალის მართვის სტრატეგიისა და პოლიტიკის შემუშავებისა და განხორციელებისათვის შესაბამისი პროექტების მომზადება;
7.    უნივერსიტეტში საკადრო პოლიტიკის გატარების მეთოდურ-პრაქტიკული უზრუნველყოფა, ორგანიზება, მართვა, კოორდინირება და კონტროლი;
8.    უნივერსიტეტის პერსონალის მართვის საკითხებში უნივერსიტეტის საგანმანათლებლო და დამხმარე სტრუქტურული ერთეულების ხელმძღვანელებთან სისტემური და საქმიანი თანამშრომლობა და ამ  სფეროში მათი მეთოდურ-საკონსულტაციო უზრუნველყოფა; უნივერსიტეტის მართვის ორგანოების, უნივერსიტეტის საგანმანათლებლო და დამხმარე სტრუქტურული ერთეულების ადამიანური რესურსების მართვის სფეროში საქმიანობის  ზოგადი კოორდინაცია;
9.    უნივერსიტეტის მართვის ორგანოების, საგანმანათლებლო და დამხმარე სტრუქტურული ერთეულების საქმიანობის  ანალიზი ადამიანური რესურსების მართვის სფეროში;
10.    უნივერსიტეტის პერსონალის პირადი საქმეების, ნამსახურობის ნუსხებისა და შრომის წიგნაკების წარმოება, ყველა  საჭირო ინფორმაციის მოპოვება - სისტემატიზება, თანამედროვე საინფორმაციო ბაზის შექმნა და სისტემური განახლება, პერსონალის მართვის სფეროში მიმდინარე პროცესების პერიოდული ანალიზი და მათი სრულყოფისათვის რეკომენდაციების მომზადება;
11.    უნივერსიტეტის პერსონალისათვის კონსულტაციების გაწევა მათი სამართლებრივი მდგომარეობისა და სამსახურის გავლასთან დაკავშირებულ საკითხებზე;
12.    უნივერსიტეტის პერსონალის სამუშაოთა აღწერილობების მომზადების მეთოდიკურ- პრაქტიკული და ორგანიზაციული მხარდაჭერა, ამ სამუშაოს კოორდინირება და მართვა;
13.    უნივერსიტეტის პერსონალის გადამზადებისა და კვალიფიკაციის ამაღლების ერთიანი და მიზნობრივი პროგრამების შემუშავებასა და განსაზღვრაში მონაწილეობა, ამ პროგრამების მომზადებისა და განხორციელების საჭიროების განსაზღვრა,  კოორდინირება და კონტროლი, უნივერსიტეტის პერსონალის ქცევის  ცივილიზებული წესებისა და ფასეულობათა სისტემის დამკვიდრება;
14.    კანონმდებლობით დადგენილ მოთხოვნათა  შესაბამისად პროცედურების (თანამდებობაზე დანიშვნის და გათავისუფლების, შრომითი ხელშეკრულებების, შვებულებების, მივლინებების მოსამსახურეთა წახალისებისა და დისციპლინური პასუხისმგებლობის შესახებ და სხვა დოკუმენტების მომზადება და გაფორმება) შესრულება; უნივერსიტეტის პერსონალის სოციალური დაცვის ეფექტიანი მექანიზმის შექმნა;
15.    უნივერსიტეტის  შინაგანაწესის შემუშავებისა და სრულყოფის პროცესში მონაწილეობა, შრომის დისციპლინის განმტკიცებისა და მომსახურეთა პასუხისმგებლობის ამაღლების მიზნით შრომის დისციპლინის დაცვის კონტროლი, შესაბამისი ინფორმაციის მოპოვება, ანალიზი და რექტორისათვის პერიოდულად მიწოდება;
16.    კომპეტენციის სფეროში წინადადებების შემუშავება;
17.    უნივერსიტეტის რექტორის და/ან ადმინისტრაციის ხელმძღვანელის ცალკეული დავალებების და მითითებების შესრულება.

ხელშეკრულების ნიმუში (ადმინისტრაციულ და დამხმარე პერსონალთან)

ხელშეკრულების ნიმუში (აკადემიურ და მოწვეულ პერსონალთან)