აწსუ სამეცნიერო პიკნიკი "მეცნიერება სახალისოა"

21 აპრილს 14:00-17:00 საათი; 22 აპრილს 11:00-14:00 საათი, აკაკი წერეთლის სახელმწიფო უნივერსიტეტი, მეცნიერების პოპულარიზაციის მიზნით, მართავს სამეცნიერო პიკნიკს სახელწოდებით „მეცნიერება სახალისოა“. ღონისძიება უპირველესად განკუთვნილია სკოლის ასაკის მოზარდებისათვის, თუმცა საინტერესოა ნებისმიერი ასაკის ადამიანისთვისაც. ღონისძიების მთავარი ამოცანაა სახალისო ფორმით წარმოაჩინოს თანამედროვე მეცნიერების მიღწევები.
სამეცნიერო პიკნიკის ფარგლებში, სპეციალურად გაშლილ კარვებში/პავილიონებში ჩატარდება საინტერესო ექსპერიმენტები და ინტერაქციული გამოფენები, მასტერკლასები და სახალისო კონკურსები სხვადასხვა მიმართულებებით.
სამეცნიერო პიკნიკი დასავლეთ საქართველოში პირველად ტარდება და მასში მონაწილეობას მიიღებს იმერეთის რეგიონის სკოლების IX, X, XI და XII კლასის მოსწავლეები.