გამომცემლობა არის „უმაღლესი განათლების შესახებ“ კანონის საფუძველზე შექმნილი უნივერსიტეტის საგამომცემლო დაწესებულება, რომელიც თავის საქმიანობაში ხელმძღვანელობს „უმაღლესი განათლების შესახებ“, საქართველოს კანონებით, უნივერსიტეტის წესდებით და სხვა შესაბამისი სამართლებრივი აქტებით.

გამომცემლობის ფუნქციონირების ძირითადი პრინციპებია:

ა) ავტორებისათვის  ხელმისაწვდომობა და შეუზღუდველობა;
ბ) ოპერატიულობა;
გ) ავტორთა თანასწორუფლებიანობა;
დ) პოლიტიკური და რელიგიური ნეიტრალიტეტი.

უნივერსიტეტის გამომცემლობის მიზანია:

„უმაღლესი განათლების შესახებ“ საქართველოს კანონითა და უნივერსიტეტის წესდებით დადგენილი უნივერსიტეტის მიზნების მიღწევის ხელშეწყობა და კომპეტენციის ფარგლებში მათი განხორციელების უზრუნველყოფა;

უნივერსიტეტის გამომცემლობის ამოცანებია:

• ხელი შეუწყოს უნივერსიტეტის განათლების დონის ზრდას მაღალი ხარისხის პუბლიკაციების, წიგნებისა და  სახელმძღვანელოების გამოცემებით, რაც თავის მხრივ, განავითარებს კარგ სასწავლო გარემოს.
• სტუდენტისათვის და ზოგადად მკითხველისათვის შექმნას ღირებული პროდუქტი. აქტიური მონაწილეობა მიიღოს სასწავლო პროცესის წარმატებულად წარმართვაში.
• დაამზადოს   სასწავლო   პროცესისათვის   საჭირო   ყველანაირი   დოკუმენტი მაღალ პოლიგრაფიულ დონეზე.
• გამოსცეს უნივერსიტეტის სამეცნიერო კვლევების შედეგები.
• გამოცემების უმრავლესობა წარმოდგენილი იქნება ბეჭდური სახით, ისეთ სფეროებში, როგორიცაა: ეკონომიკური, ჰუმანიტარული, ტექნიკური, ტექნოლოგიური, აგრარული, სამედიცინო და  საზოგადოებრივი მეცნიერებები.

უნივერსიტეტის გამომცემლობას ხელმძღვანელობს დირექტორი. გამომცემლობის დირექტორს თანამდებობაზე ნიშნავს და ათავისუფლებს უნივერსიტეტის რექტორი.