ევროპის სამედიცინო სკოლების ასოციაციის - The Association of Medical Schools in Europe - ყოველწლიური კონფერენცია პირველად გასცდა ევროპის ფარგლებს, ამჯერად ის საქართველოში კვარიათში დავით ტვილდიანის სამედიცინო უნივერსიტეტის მასპინძლობით გაიმართა.

აკაკი წერეთლის სახელმწიფო უნივერისტეტის მედიცინის ფაკულტეტზე საქართველოს ახალგაზრდა სტომატოლოგთა ფედერაციის, თბილისის სახელმწიფო სამედიცინო უნივერისიტეტის, გერმანული კომპანია DŰRR DENTAL, ქართულ-გერმანული იმპლატაციის ცენტრის HIBI-dent implant, სასწავლო ცენტრ PERO&PERI-IMPLANT სტუდიო და კომპანია Dentstal (DURR Dental-ის ოფიციალური წარმომადგენელი საქართველოში) მხარდაჭერით ჩატარდა ქართულ-გერმანული საერთაშორისო სამედიცინო პრაქტიკული კონფერენცია თემაზე „პაროდონტიტი და პერიიმპლატიტი - ბიოლოგიურად მინიმალური ინვაზიური მიდგომა“.
სპიკერები: ივან ჩატოვიჩი, პაროდონტოლოგი, ხორვატიის პაროდონტოლოგთა ასოციაციის საბჭოს წევრი, იმპლანტოლოგიის მაგისტრი. მიხეილ ნასონოვი, გერმანელი კომპანია DŰRR DENTAL-ის ოფიციალური პასუხისმგებელი კავკასიის რეგიონში.
კონფერენციაში მონაწილეობა მიიღეს იმერეთის რეგიონის ყბა-სახის ქირურგებმა, ომპლანტოლოგებმა, რეზიდენტებმა და აკაკი წერეთლის სახელმწიფო უნივერისტეტის მედიცინის ფაკულტეტის, სტომატოლოგიის საგანმანათლებლო პროგრამის სტუდენტებმა. კონფერენციის ფარგლებში ქუთაისის რეგიონალურ სტომატოლოგიურ ცენტრში ჩატარდა მასტერ კლასი პაროდონტიტის და ჰერიიმპლატიტის არაქირურგიული მკურნალობის მეთოდებზე თანამედროვე უნიკალური აპარატით Vector Pavo-ი სისტემის გამოყენებით.

ევროპის სამედიცინო განათლების ასოციაციის კონფერენცია „AMEE Lyon 2022“ მასშტაბური საერთაშორისო ფორუმი ჩატარდა პარალელურად მიმდინარე 563 სესიით, 164 გამოფენითა და 4700-ზე მეტი მონაწილით მსოფლიოს 87 ქვეყნიდან. აღნიშნულ კონფერენციაზე 2055 მომხსენებელს შორის იყვნენ აკაკი წერეთლის სახელმწიფო უნივერსიტეტის მედიცინის ფაკულტეტის აკადემიური პერსონალის წარმომადგენლები: პროფ. ირინე ფხაკაძე, პროფ. თამარ ვალიშვილი. მათ მიერ სამედიცინო ექსპერტების წინაშე წარდგენილი იქნა შრომები „COVID 19 გამოწვევების მართვა, აწსუ პრაქტიკა" და "ონლაინ PBL მეთოდის დანერგვა".

AMEE - International Association for Medical Education (https://amee.org) ევროპის სამედიცინო განათლების ასოციაციაა, რომელსაც წელს არსებობის 50 წელი შეუსრულდა. 2019 წლის 20 მაისს აღნიშნული ასოციაციის წარმომადგენლობა გაიხსნა საქართველოში - AMEE-ს საერთაშორისო თანამშრომლობის ცენტრის სახით, აღნიშნულ ცენტრში დაიგეგმა ტრენინგები სამეცნიერო კვლევის, აკადემიური პერსონალის სწავლების უნარების შეფასების, სამედიცინო განათლების მენეჯმენტის, სიმულაციის და კლინიკური სწავლების საკითხებზე.

2022 წლის 20 – 24 ივნისს მედიცინის ფაკულტეტის პროფ. თამარ ვალიშვილი Erasmus+ გაცვლითი პროგრამის ფარგლებში მონაწილეობდა გრანადას უნივერსიტეტში ჩატარებულ მკვლევართა განვითარების მესამე საერთაშორისო კვირაში (The 3nd International Researcher Development Week (IRDW), 32 ქვეყნიდან აკადემიური პერსონალის წარმომადგენლებს შესაძლებლობა ჰქონდათ გაცნობოდნენ გრანადის უნივერსიტეტის სხვადასხვა ფაკულტეტის კვლევითი ჯგუფების მუშაობას.