2019 წლის 18-19 ნოემბერს ლონდონში ჩატარდა ფილტვის ქრონიკული ობსტრუქციული დაავადების საერთაშორისო მე-11 კონფერენცია COPD 2019, რომლის საორგანიზაციო მოსამზადებელი სამუშაოებისა და შემაჯამებელი ანალიზის ჩატარებაში კონფერენციის საორგანიზაციო კომიტეტის წევრების სტატუსით აქტიურად იყვნენ ჩართულები აწსუ მედიცინის ფაკულტეტის დეკანი, პროფესორი ირინე ფხაკაძე და ამავე ფაკულტეტის კლინიკური მედიცინის დეპარტამენტის მოწვეული სპეციალისტი ქეთევან ჯუღელი.

29 ოქტომბერს ფსორიაზის მსოფლიო დღესთან დაკავშირებით- სლოგანით ''მოდით გავერთიანდეთ ("Let s get connected'') საქართველოს ფსორიაზის ასოციაციის PSO Georgia-ს ინიციატივითა და ქუთაისის აკაკი წერეთლის უნივერსიტეტის მუდმივი მხარდაჭერით ჩატარდა სტუდენტური სამეცნიერო მრგვალი მაგიდა თემაზე " ფრჩხილის ფსორიაზი."

ჯანდაცვის მსოფლიო ორგანიზაციის მონაცემებით საქართველო C ჰეპატიტის მაღალი პრევალენტობის ქვეყნებს მიეკუთვნება. დაავადების მაღალი ტვირთი გავლენას ახდენს ქვეყნის სოციალურ და ეკონომიურ მდგომარეობაზე. 2015 წელს საქართველოში C ჰეპატიტის ელიმინაციის პროგრამა ამოქმედდა, აღნიშნული მიზნად ისახავს 2020 წლისთვის C ჰეპატიტით ინფიცირებულთა 90% გამოვლენას, ქრონიკული ფორმის მქონეთა 95% მკურნალობაში ჩართვას და შედეგად 95% განკურნებას.

პარტნიორ უნივერსიტეტთან ერთად ერთობლივი პროექტების შემუშავება და განხორციელება ცოდნის და გამოცდილების გაზიარების საუკეთესო საშუალებაა.

განათლების ინტერნაციონალიზაცია აწსუ მედიცინის ფაკულტეტის განვითარების ერთ-ერთი მთავარი პრიორიტეტია. მედიცინის ფაკულტეტის წარმომადგენლები ERASMUS + Credit Mobility საერთაშორისო მობილობის პროექტის ფარგლებში იმყოფებოდნენ ჩესტერის უნივერსიტეტში (ბრიტანეთი).