2022 წლის 2 თებერვალს, აკაკი წერეთლის სახელმწიფო უნივერსიტეტის ბავშვის უფლებათა ცენტრში ჩატარდა შეხვედრა ქუთაისის №23 საჯარო სკოლის (დირექტორი ნესტან სიხარულიძე) მოსწავლეებთან, რომელსაც უძღვებოდნენ: სკოლის მენტორი მასწავლებელი, აკაკი წერეთლის სახელმწიფო უნივერსიტეტის აკადემიური დოქტორი შორენა ტყემალაძე და სახალხო დამცველის დასავლეთ საქართველოს ოფისის ხელმძღვანელი მადონა ბასილაძე. შეხვედრაზე გაიმართა დისკუსია, ბავშვის უფლებათა კონვენციის 32-ე მუხლზე, „ბავშვის შრომა“. მოსწავლეებმა საინტერესოდ წარმოადგინეს საკუთარი ხედვა, თუ როგორ მოქმედებს ბავშვის შრომა განათლებაზე და ჯანმთელობაზე.

2022 წლის 24-26 იანვარს, აკაკი წერეთლის სახელმწიფო უნივერსიტეტის ბავშვის უფლებათა ცენტრში: აფხაზეთის მე-5 , მე-6 საჯარო სოლებისა და იმერეთის რეგიონის: ქუთაისის, წყალტუბოს, ტყიბულის, თერჯოლის, ზესტაფონის, ხარაგაულის, ბაღდათის, ვანის, ხონის სამტრედიის საჯარო სკოლების მასწავლებლებისათვის გაიმართა ტრენინგი „ბავშვის უფლებების სწავლების ხელშეწყობა სკოლებში“. ტრენინგის მიზანია: მასწავლებლების მიერ ბავშვის უფლებათა კონვენციასთან დაკავშირებული თემების შესახებ ცოდნის შეძენა, გაღრმავება და გამოვლენა;

2021 წლის 21 დეკემბერს, აკაკი წერეთლის სახელმწიფო უნივერსიტეტის ბავშვის უფლებათა ცენტრში ჩატარდა ღია გაკვეთილი ქუთაისის №12 საჯარო სკოლის (დირექტორი ნათია სულავა) III კლასის მოსწავლეებისათვის საგანში - მე და საზოგადოება, საგნის მასწავლებელი ეკა მაჩიტაძე.

2021 წლის 28 დეკემბერს, აკაკი წერეთლის სახელმწიფო უნივერსიტეტის ბავშვის უფლებათა ცენტრში, გაიმართა usaid-ის საბაზისო განათლების პროგრამის ფარგლებში, იმერეთის მასშტაბით გამოცხადებული კონკურსის გამარჯვებული სკოლების მოსწავლეთა დაჯილდოება.

2021 წლის 16 დეკემბერს აკაკი წერეთლის სახელმწიფო უნივერსიტეტში ბავშვის უფლებათა ცენტრში გაიმართა გაეროს ბავშვთა ფონდის ევროპისა და აზიის რეგიონული ოფისის დირექტორის მოადგილის ფილიპ კორის და გაეროს ბავშვთა ფონდის საქართველოს განყოფილების ხელმძღვანელის დოქტორ ღასან ხალილის შეხვედრა უნივერსიტეტის ხელმძღვანელებთან და პედაგოგიური ფაკულტეტის აკადემიურ პერსონალთან. შეხვედრას ესწრებოდა უნივერსიტეტის რექტორი, პროფესორი როლანდ კოპალიანი, სასწავლო პროცესის მართვის სამსახურის უფროსი იმერი ბასილაძე, პედაგოგიური ფაკულტეტის დეკანი, მამული ბუჭუხიშვილი. წარმოდგენილი იქნა ცენტრის ანგარიში გაწეული მუშაობის შესახებ და მომავალში ჩასატარებელი ღონისძიებების ნუსხა. ყურადღება გამახვილდა ბავშვის უფლებათა ცენტრისა და იმერეთის რეგიონის სკოლების თანამშრომლობის საკითხებზე. შეხვედრაზე ქალაქ ქუთაისის 23-ე საჯარო სკოლის მოსწავლეებმა (ხელმძღვანელი შორენა ტყემალაძე) წარმოადგინეს მათ მიერ შექმნილი ხელნაკეთი წიგნი, ბავშვის უფლებების დაცვის საკითხებზე. მოსწავლეებმა ყურადღება გაამახვილეს ბავშვის უფლებათა კონვენციის მუხლებზე და სკოლის თვითმართველობის მუშაობაზე ამ მიმართულებით.