ზუსტ და საბუნებისმეტყველო მეცნიერებათა ფაკულტეტზე, მათემატიკის დეპარტამენტის ინიციატივით ჩატარდა კონკურსი აბიტურიენტებისათვის მათემატიკაში. კონკურსში მონაწილეობა მიიღო ორმოცმა აბიტურიენტმა დასავლეთ საქართველოს სხვადასხვა რეგიონიდან. მოხდა კონკურსის მონაწილეთა შედეგების მიხედვით რანჟირება.

ვრცლად ...

1. რეგისტრაცია დაიწყება 2022 წლის 26 მარტს 11 საათზე აკაკი წერეთლის სახელმწიფო უნივერსიტეტის I კორპუსში მისამართზე ქ. ქუთაისი, თამარ მეფის ქუჩა №59;
2. კონკურსანტი უნდა გამოცხადდეს პირადობის დამადასტურებელი დოკუმენტით და იქონიოს პირბადე;
3. საწერ კალამი და სამუშაო ფურცლები აბიტურიენტებს გადაეცემათ, საგამოცდო საკითხებთან ერთად უშუალოდ სამუშაო ადგილებზე (I-კორპუსი, აუდიტორია №1208, 1212);
4. საგამოცდო ბილეთის ყოველ საკითხზე პასუხი აბიტურიენტების მიერ ჩაიწერება მსჯელობის სახით და მიეთითება მიღებული პასუხის მნიშვნელობა. საგამოცდო ბილეთზე მუშაობის დრო - 3 სთ.
5. კონკურსის შედეგები აბიტურიენტებს ეცნობებათ ელექტრონული ფოსტის მეშვეობით 10 აპრილისათვის.
6. სააპელაციო განაცხადი კონკურსანტმა უნდა გამოაგზავნოს 14 აპრილამდე ელექტრონული ფოსტით. პასუხს ამ განაცხადზე ის მიიღებს 17 აპრილამდე.

2022 წლის 18-19 აპრილს რენეს უნივერსიტეტის (საფრანგეთი) პროფესორი მირეი დუკასი შეხვდა ზუსტ და საბუნებისმეტყველო მეცნიერებათა ფაკულტეტზე მოქმედი საბაკალავრო და სამაგისტრო პროგრამების „მათემატიკა“ და „კომპიუტერული მეცნიერება“ სტუდენტებს.
ქალბატონმა დუკასმა წაიკითხა ლექცია თემაზე „Semantic Web“. ლექციის შემდეგ გაიმართა დისკუსია სტუდენტების აქტიური ჩართულობით.
შეხვდერის მიზანი იყო რენეს უნივერსიტეტში ერთი სემესტრის განმავლობაში სწავლებისათვის კანდიდატების შერჩევა გაცვლითი პროგრამის Erasmus+ ფარგლებში.

ვრცლად ...

გაეროს სპეციალიზებული სააგენტოს UNESCO გადაწყვეტილებით მათემატიკის საერთაშორისო დღე აღინიშნება ყოველი წლის 14 მარტს. აღნიშნულ თარიღთან დაკავშირებით აკაკი წერეთლის სახელმწიფო უნივერსიტეტის მათემატიკის დეპარტამენტი, მიმდინარე წლის 26 მარტს, 11 საათზე, აბიტურიენტებისათვის უნივერსიტეტის სივრცეში ატარებს კონკურსს მათემატიკაში, რომლის მიზანია გამოავლინოს ნიჭიერი ახალგაზრდები და ხელი შეუწყოს მათ შემდგომ წინსვლას.

ვრცლად ...