ა/წ 20 დეკემბერს ჩატარდა გეოგრაფიის საბაკალავრო და მაინორ-პროგრამების სტუდენტთა ერთობლივი სასწავლო-საველე პრაქტიკის შემაჯამებელი კონფერენცია და ფოტოგამოფენა. სტუდენტებმა წარმოადგინეს პრაქტიკის შედეგები და კადრებზე აღბეჭდილი დაუვიწყარი დღეები.

აწსუ-ს ზუსტ და საბუნებისმეტყველო მეცნიერებათა ფაკულტეტის ქიმიის სპეციალობის სტუდენტებისათვის მოეწყო სასწავლო შეხვედრა ივ. ჯავახიშვილის სახელმწიფო უნივერსიტეტში, კერძოდ, სან-დიეგოს უნივერსიტეტის ლაბში, სადაც სტუდენტები გაეცნენ კვლევის თანამედროვე აპარატურას, უშუალო მონაწილეობა მიიღეს ექსპერიმენტებში და მოისმინეს საინტერესო ინფორმაციები თანამედროვე კვლევებისა და მიღებული შედეგების ინტერპრეტაციის შესახებ.

მიმდინარე წლის 25 ოქტომბერს გეოგრაფიის დეპარტამენტმა უმასპინძლა სსიპ წმინდა ნინოს სახელობის ქ. ქუთაისის მე-3 საჯარო სკოლის მე-8გ კლასის მოსწავლეებს.

10 ნოემბერს აკაკი წერეთლის სახელმწიფო უნივერსიტეტში პროფესიული გადამზადების პროგრამის „ლაბორატორიული ჯანმრთელობა და უსაფრთხოება“ წარდგენა გაიმართა.
ღონისძიებას უნივერსიტეტის რექტორი როლანდ კოპალიანი, ქუთაისის მერი იოსებ ხახალეიშვილი, რექტორის მოადგილე შალვა კირთაძე, ადმინისტრაციის ხელმძღვანელი სერგო სვანაძე, პროგრამის მენეჯერი ნინო ყოჩიშვილი (ევროკავშირის წარმომადგენლობა საქართველოში), პროექტის განმახორციელებელი ორგანიზაციები, დასაქმების ხელშეწყობის სახელმწიფო სააგენტო, არასამთავრობო ორგანიზაციები, სურსათის ეროვნული სააგენტო, გარემოს დაცვის ეროვნული სააგენტო, დაავადებათა კონტროლისა და საზოგადოებრივი ჯანმრთელობის ცენტრი, საქართველოს შინაგან საქმეთა სამინისტროს სახელმწიფო საქვეუწყებო დაწესებულების საგანგებო სიტუაციების მართვის სამსახური, ქალაქის რესურსცენტრის ხელმძღვანელი, სოფლის მეურნეობის სამინისტროს ქუთაისის ზონალური დიაგნოსტიკური ლაბორატორიის წარმომადგენლები, საქართველოს ბიოტექნოლოგიის ასოციაცია, პროფესიული პროგრამების განმახორციელებლები, პროგრამის კურსდამთავრებულები და მსმენელები დაესწრნენ.

,,ატმოსფეროს მონიტორინგისა და კვლევების მდგომარეობა საქართველოში“ - ამ თემაზე აკაკი წერეთლის სახელმწიფო უნივერსიტეტში 22 ოქტომბერს საჯარო ლექცია გაიმართა. თემაზე თბილისის სახელმწიფო უნივერსიტეტის ასისტენტ პროფესორმა გიორგი ჯიბუტმა ისაუბრა. თემამ დიდი ინტერესი გამოიწვია და აქტუალურ საკითხზე დისკუსია გაიმართა. საჯარო ლექცია პროფესორმა გიორგი ჯიბუტმა აკაკი წერეთლის სახელმწიფო უნივერსიტეტის ქიმიის დეპარტამენტის მოწვევით ჩაატარა.